धमीड़ अर दूजी कहाणियाँ | राजस्थानी कहानी

धमीड़ अर दूजी कहाणियां में रामजीलाल घोड़ेला चौबीस कहाणियां भेळी करी है। अै कहाणियां समाज री नित घटती घटनावां अर नुंवी बातां माथै आधारित कहाणियां है जकी पाठकां रै चित्त नै झकझोरण रौ काम करै। कम सबदां में गै’री बात कैवण री कला लेखक री खासियत कैयी जा सकै। कहाणियां पाठकां नै अैकण कानी समाजू कुरीतियां सूं सावचेत करण री खैचळ करै बठै ई चरित्तर निरमाण री राह दिखावती ई निगै आवै।