मिनखपणा री महका कीरत | राजस्थानी गजल

म्हारै हिया नै घर, गळी, मोहल्ला, गांव अर देस-बिदेस री जो-जो घटनावां झकझोर्यौ, उणांरी पीड़ा म्हारी नींद उचाट दी। उण पीड़ा नै कलम मिनखाचार रा मानमोल थरपण खातिर गजलां मांय उकेरण री कोसिस करी है। आपनै भी लागेला कि जिनगाणाी में आपरै आसपास भी अेड़ी ही पीड़ा समाज में पसरी है, जणां ने हर मिनख अनुभव करै, दु:खी भी होवै अर वणां सूं निजात पावण री कोसिस भी करै। इण दौर में जो चितराम म्हारी कल्पना में मंड्या, वे ‘मिनखपणा री महका कीरत’ बण’र पोथी रा रूप में आपरै सामै है।

— शिव ‘मृदुल’